AQUA DE PATARANTA

Masakit ang mabigo sa pag-ibig sabi nga nila pero mas masakit daw ang ikaw ay iwan ng iyong asawa at mag-isa ka na lang na mag-aaroga sa iyong mga anak.

At nagkatotoo naman ang kasabihang ito kay Lagrimas na binansagan nila ng Aqua de Pataranta sa kanilang barangay (hango naman ang pangalan sa isa sa mga characters ng tele-serye ng ABS-CBN na Aqua Bendita). Kaya walang araw na hindi siya sinasaniban ng espiritu ng alak dahil hindi na niyang makayanan pang isipin na sa itinagal-tagal ng pagsasama nilang mag-asawa na nabiyayaan pa ng tatlong anak ay basta-basta na lang siyang iniwan ng kanyang mister.

Ang dahilan nakakita si mister niya ng isang sexy, may itsura rin, pero sinkuwenta anyos na byuda. Kamamatay lang ang asawa nitong pensionado na galing pa sa America kaya sa kanyang pag-iisa ay naghanap naman kaagad ito ng isang boyfriend na magpapawi ng kanyang mga pighati at kalungkotan. At sa kasamaang palad ay si Dado naman na asawa ni Lagrimas ang kanyang napiling magpaligaya sa kanya. Kung baga sa basketball ay shoot kaagad naman itong si Dado dahil mapera na, hot pa sa kama itong byudang si Purisima.

Masaklap ng lamang at may tatlong anak siyang sinusuportahan na kanya nang kinalimutan dahil sa pagkahumaling sa byuda na siya namang nagbibigay sa kanya ng maraming pera para matustusan naman ang mga luho nito.

Kawawang Angel, Rica, at May ay madalas na silang ginugutom dahil hindi kayang buhayin sila ni Lagrimas na ang hanap-buhay lang naman ay ang pagtitinda ng mga kakanin at barbekyu. Iyan ay kung hindi siya lasing. Pero kapag lasing na, goodbye paninda na siya at back to Aqua de Pataranta na naman siya.

“Ay Aqua (Lagrimas) itigil mo na nga iyang paglalasing mo at kaawa-awa ang kalagayan ng mga anak mo.” Ang saway ng mga kapit-bahay sa kanya tuwing naglalasing siya.

“Hayaan mo sila, dapat iyang lintek na Dado na iyan ang nagpapakain sa kanila hindi ako,” ang lagi naman niyang sagot.

Mabuti na lang maawain ang mga kapit-bahay nila at sila na ang nagpapakain sa mga anak nito kapag hindi siya nakapag-uwi ng makakain nila.

Isang messenger ng isang establishment sa Pasig itong si Dado. Maporma at mayabang. Muntik pa nga siyang sinagasahan (sana natuluyan na sabi ni Lagrimas) ng isang kotseng kanyan hinarang at dumaan daw sa bakuran ng building ng kanyang boss. Mahilig sumipsip ang “lintek” daw na lalaki at ambisyoso pa. Kaso pinagtitiisan siya ni Lagrimas dahil mahal na mahal niya ang “gago” at para na rin sa ikabubuti ng kanilang mga anak.

Isang community worker volunteer ang nagtiyagang kumausap kay Lagrimas. Napagpayuhan din ang huli at itinigil na niya ang pag-inom ng Aqua de Pataranta. Balik barbekyu at kakanin na naman siya. Unti-unti na rin niyang natanggap ang ginawang pagtataksil sa kanya ni Dado. Kaya sa loob lamang ang ilang buwan ay nakapag-move on kaagad si Lagrimas alang-ala sa kanyang mga anak. Kalokohan lang ang nagpapamatir sa ngayon. Kung kaya nga mo lang ang maghanap-buhay upang buhayin ang iyong mga anak ay gagawin mo upang hindi sila magutom. At ang bisyo ay dapat iwasan nang may patutunguhan ang iyong buhay.

Sa ngayon ay nagluluto na lang ng mga kakanin at nagbabarbekyu sa kanilang bahay si Lagrimas. Mayroon siyang pinagdadalhang mga karenderya sa palengke at sa mga eskuwelahan ng kanyang mga barbekyu at nilulutong kakanin. Sa susunod na taon ay papasok na sa elementarya ng kanyang panganay samantalang nasa Daycare Center pa lang nag-aaral ang dalawa niyang mga anak na balak din niyang ipasok sa kindergarteen. Hindi naman siya pinababayaan ng mga community worker volunteers na hanggang ngayon ay gumagabay pa rin sa kanya. Tumatanaw naman siya ng malaking utang na loob kay Joy na siyang nagtiyagang bumisita at umalalay sa kanya sa panahon ng kanyang krisis sa buhay.

Ano na ang nangyari kay Dado? Ayon kay Joy, naghiwalay sila ni Purisima pagkatapos mahuli nito na may kinahuhumalingan palang GRO at dancer sa club itong si Dado. Hindi lang iyang, ayon sa inpormante ni Joy nabogbog daw si Dado ng boyfriend na pulis nitong si GRO.

Sa huling paguusap nina Joy at Lagrimas, tinanong ng community worker kung may balak pa siyang makipagbalikan kay Dado alang-ala sa kanyang mga anak. Ang sabi ng huli, ibubuhos na lang daw niya ang kanyang panahon at buong buhay sa kanyang mga anak. At least sa kanya ay nakakasiguro siyang may magandang kinabukasan na naghihintay para sa kanyang mga anak. Paninindigan niyang maging single parent hanggang mapalaki at mapag-aral niya ang kanyang mga anak.

4 Responses to “AQUA DE PATARANTA”

  1. Mer Pints Says:

    Alak pa, hehehe

    Maglasing tayo Segundina hek!

  2. Mer Pints Says:

    Mabuti pa si Aqua bumuti na ang kanyang buhay. Tama ang kasabihan na ang ating kinabukasan ay nasa ating mga kamay.

  3. Mer Pints Says:

    Ang isang kabigoan ay hindi hadlang na mangarap muli at magtagumpay. Remember ang may nakasulat noon sa isang supistik, ang umaayaw daw ay hindi nagwawagi.

  4. KapitanKidlat Says:

    Si HaydeenKoi ipinoste na ang mga telenovela natin. Pasyalan lang ninyo nang malaman, baka neretoke na ang mga kuwento natin

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: