Sige na Panalo na si Pacman pero mas Bilib ako sa Tatag ni Cotto

Sige na panalo na si Manny Pacquiao ngunit mas panalo dito si Cotto na sinabi nilang hindi aabot ng six rounds. Sa totoo ay umabot pa nga ng 12 rounds pero tinigil ang laban sa pag-aakalang wala nang ibubuga pa si Cotto dahil puro iwas na lang ito kay Manny. Mali, dapat hinintay nilang matapos naman ang round. Ang strategy ni Cotto ay nagpapakita lamang ng paraan kung papaano mo tatalunin si Pacman at maiiwasan ang kanyang mga kamao sa napakabilis niyang kilos.

Naipakita dito ni Cotto na kaya niyang sabayan si Pacman. Kitang-kita naman kung papaano tinatakpan ni Pacman ang kanyang mukha nang di mahagip ng kamao ni Cotto. Malas nga lang ni Cotto at mali ang mga nauna niyang kilos. Dapat hindi niya sinabayan si Pacman, hit and run ang dapat niyang ginawa. Di ba sa mga huling rounds ay ni halos hindi siya matamaan ni Pacman.

Hindi ako kumbinsido sa pagkapanalo ni Pacman. Sabihin man nila na ilang bises niyang na-knock down ito. Pero bumabangon si Cotto at lumalaban. Ngayon may ideya na kung papaano tatalunin ang boxer. Alam na Mayweather ang kanyang gagawin. Kailangan niyang isang superb na conditioning at laruin si Manny, suntok takbo at yakap lang.

Sana may rematch pa sina Cotto at Pacman. Alam na ni Cotto kung papaano i-handle itong si Manny magmulang first hanggang 12th rounds. Inabot lang talaga ng malas si Cotto. Kung iiwasan mo si Manny ay manlalambot din ito sa pagod at gigil. Kitang-kita iyan sa mga huling rounds nila ni Cotto bago pa ipatigil ang 12th rounds na hindi dapat. Ano ka ninyo, lamog ang mukha ni Cotto. Tignan natin sa susunod na laban kung may rematch at patutulogin naman niya si Manny.

Hindi rin kasisiguro si Manny na magtatagal siya bilang isang champion. Maraming bata pa diyan ang nagsusulpotan at gustong makalaban din siya. Subokin kaya niyang umapak sa teritoryo ng mga middle weight boxers at nang makalaban niya sina Chavez at iyong nanalong Israeli boxer.

Pero dapat harapin din ni Manny si Marquez at nang magkaalaman na kung talagang siya na nga ang pinakamagaling na boxer. Matagal na siyang hinahamon ni Marquez. Subokan niya kaya nang bumaba sa timbang kung saan ay komportable silang pareho ni Marquez.

Sige na panalo na naman ang pambansang kamao, marami na naman ang masisiyahan niyan. Natitiyak ko marami ding nanalo na pumusta kay Cotto kahit natalo pa siya dahil hindi nakaya ni Pacman na pabagsakin ito sa 9th round. Pero ano kaya kung tinapos nila ang 12th round, baka natsambahan pa ng malakas na suntok ang sikmura ni Pacman at nang maranasan naman niyang halikan ang canvass ng boxing ring.

Congratulations Pacman at mga Pulitikong nagpuntahan diyan sa Las Vegas para panoorin ang iyong laban at sa lahat ng mga Pinoys. Sana maghaharap kayo ni Mayweather sa pinakamadaling panahon nang magkaalaman na kung ikaw nga ang pinakamatigas na boxer ngayon.

Tags: boxing, chavit, las Vegas, Manny Pacquiao, Miguel Cotto