Happy New Year and Happy New Dear para sa lahat!
Kahapon ay ginunita natin ang kahalagahan ng pagtingala sa langit upang ating makamtan ang liwanag ng buhay. Kaya iyong mga tatlong Mago na siyang tumingin sa liwanag ng isang tala mula sa kalawakan ay kanilang natagpuan kung saan ang Mesias na tanging tagapagligtas natin ay ipinanganak at hinandogan ng mga dalang regalong pamasko.
Well, wala pa kasi noon ng internet at saka cellphone kaya tanging sa mga palatandaan lamang na nakikita sa kalawakan ang nagiging gabay ng bawat nilalang.
Di gaya ngayon mukhang marami sa atin na inaasa na lang sa suwerte ang kanilang kinabukasan kaya panay ang bili ng mga gamit pampabuenas.
Ay, dapat sa Diyos lang tayo dapat umasa at humiling ng gabay para lahat ng ating mga gawain sa buhay ay magtagumpay.
Ngayong araw ng Lunes ay milyon-milyon na namang deboto ng itim na Nazareno ang sasali sa isang napakahabang lakbay lansangan (na kung saan ay nakatapak lang ang iba bilang sakripisyo) upang ipakita ang kanilang debosyon sa Poong Nazareno. Pagpapasalamat daw ito sa mga biyayang kanilang natamo sa buhay at marami pang ibang rason kasama na ang mga mahahalagang kahilingan.
Pananampalataya iyan at wala ni sino man ang may karapatang manghusga sa kanilang pamamanata.
Ngunit di ba may kasabihan, “Nasa Diyos ang awa, nasa tao ang gawa?”
Maraming bagay nating maisasagawa ang ating pananampalataya, sa panalangin at sa pagtulong ng iba.
Climate Change
Sa mga delubyong dumating sa ating bansa kung saan ay libo-libong mga pamilya ang naapektohan, nagbabalak na ang Department of Education na gawing bahagi na ng elementary at secondary curriculum ang climate change. Well, maganda ito at unti-unti mahuhubog ang kaisipan ng ating mga kabataan na pangalagaan ang ating mga yamang kalikasan nang di tayo binabaha at natatapunan ng lupa tuwing may malakas at mahabang pag-ulan.
Ang nangyaring sakuna na dulot ng pagbaha sa mga kababayan natin sa Cagayan de Oro at Iligan City at sa ibat-ibang lugar pa sa Mindanao at Kabisayaan ay isang eye opener para sa ating lahat. Huwag na nating pinsalain pa ang ating mga bundok at kagubatan nang di malagay sa panganib ang ating buhay at ang mga minamahal natin.
Iyang pagguhong kumitil ng buhay ng mahigit na dalampong katao at sa kulang-kulang na isang daang katao rin na nasaktan sa Campostela Valley ay dapat bigyan pansin nang ating pamahalaan dahil pangalawang bises na palang may naganap na pagguho.
Pero nakakalungkot isipin na mas nanaisin pa ng iba nating mga kababayan na mamatay nang matabonan ng lupa (dahil sa walang pakundangang pagmimina) sa itaas ng bundok kay sa mamatay daw naman sila ng gutom kahit sa ligtas pang lugar silang ilipat na wala naman daw oportionidad para sa pagkukunan ng pangaraw-araw nilang ikabubuhay.
Climax Change
Maraming mga loveless na katulad ko ngayon ang naghahanap ng kanilang true love. Isa na dito si Kris Aquino. Well, open book naman ang buhay pag-ibig niya at alam naman natin na ang lahat ay nauwi lamang sa hiwalayaan. If I get Kris right, mas nanaisin pa niyan mawalan ng isang minamahal kay sa manatili siya sa piling nito na naghihirap naman ang kanyang kalooban at nasasaktan ang kanyang puso. Ayaw ni Kris na magkaroon daw siya ng sakit ng puso, kaya kaagad niyang hihiwalayan ang isang relasyon na siyang nagdudulot lamang sa kanya ng mga pighati at kabigoan.
Iba naman itong aking kaibigan na director na isang NGO, hihiwalayan na raw niya ang kanyang girlfriend ng napakatagal na panahon dahil hindi na raw siya nasisiyahan dito. Tinanong ko iyong babae kung tanggap naman niya ng maluwag sa kanyang kalooban ang pakikipaghiwalay sa isang lalaking ayaw na patali. Mabilis lang ang sagot nito, bakit pa? Kahit papaano ay naghahangad daw naman siyang ihatid sa altar sa takdang panahon.
Climax Change lang daw iyan. After all hindi na rin daw siya nasisiyahan sa performance ng kanyang playboy na boyfriend na kung minsan ay pumamalya na ang kanyang sandata.
Well goodluck to all na lang. This year, 2012, is a very exciting year to all of us. keep on going, huwag mawawalan ng pag-asa.
Habang buhay at naikikilos mo ang iyong mga kamay at mga paa, may pag-asa at tagumpay na naghihintay para sa lahat!
Love Kita Segundina 